Kiliffaat ilisimatuunit paasiniarneqarput

Nunani issittuni avannarlerni uumasimagaluarput, Siberiami Canadap avannaani kitaanilu. Kiliffaat takisuunik meqqoqarput qipisunillu tuugaaqarlutik. Soorli-uku nunguttut? Silap pissusaata allanngoriartornera imaluunniit allarluinnaq pisuulluni nunguppat?

Ilisimatusarfimmit Western Ontario Canadameersumiit ilisimatusartoqatigiit kiliffaap piaqqap nunani issittuni avannarlerni kitaaneersup kigutai misissorsimavaat, paasisimavaallu kiliffaat piaqqat marlunnik ukioqaleraangamik aatsaat milukkunnaartarsimasut, assersuutigalugu nagguaatsut piaqqat siusinnerusumik milukkunnaartarput. Anaanaminni ukkukkut issittumi kissassimaartaramik sivisunermik miluttarsimanersut imaluunniit issittumi ukiukkut nerisassakittarsimammat allamik nerisassaqannginnamik sivisunermik miluttarsimanersut nalunarpoq. Piaqqat perlersikkumanagit anaanap milutitsinera anaanaasumut sanigornarsimassaaq nukippassuarnillu atuisariaqartarsimassalluni.

Ilisimatusartut neriupput suliami silap pissusaata allanngoriartornera miluumasunut qanoq sunniisinnaaneranik takutitsiumaartoq, apeqqummullu: Sooq kiliffaat nungussimanerannut, akissutissamik nassaarsinnaajumaarlutik.