Kilaat Nuummi tuniluuttut
- kilannik tunillatsittut sapaatip akunnerani kingullerni amerliartorput, imminnut qanillutik najugaqatigiittut tunillatsissimammata, Jesper Olesen taama oqarpoq.
Kilak tassaavoq miluuffigisaminut ilanngartuisartoq, inuup uiniata iluanut pulalluni manniliortarpoq. Ungillerititsisarpoq anillannermillu ilisarnaateqartarluni.
AAMMA ATUARUK Nappaatit pillugit meeqqat oqaluunneqarnerusariaqarput
Taannalu uinimmiit uinimmut attuunnikkut tuniluuttarpoq.
- Oqartarpugut, kilannik tunillatsissagaanni, taava tutilluni sineqatigiinnissaq pisariaqartoq. Tamannali eqquutivinngilaq. Tassami aamma passunneqarnikkut allalluunniit assai tigumiartillugit taamatulluunniit assinganik pinermi tunillatsittoqarsinnaavoq.
AAMMA ATUARUK Syfilis giver ekstra arbejde for sundhedsvæsenet
Taamaammat peqqinnissaqarfik kilammut pasinartumik ersiuteqaraanni nakorsamut attaveqarnissamik kaammattuivoq, kilammut katsorsaammik tarngummik tunineqarnissaq pillugu.
