Kikkut timersornerup nersornaasiuttagaanik ukioq manna akissarsitinneqassappat?
Sungiusaasut immikkuullarippa? Timersoqatigiiffissinni aquttoqarpisi sallersanngortartumik? Timersortartumilluunniit nersortariaqavissumik nalunngisaqarpit? Timersoqatigiit Kattuffiat tusagassiuutinut taama allaaserisaqarpoq, innersuussisoqarnissaanillu ujartuilluni.
Timersornerup silarsuaani Maligassiuisoq Kalaallit Nunaanni Timersoqatigiit Kattuffiata ukioq manna aamma saqqumilaartinniarpaa, innuttaasullu nersornaammik tunniussinissamut sunniuteqaqataasinnaapput.
Kina imaluunniit kikkut ukioq manna nersornaatisisuussanersut, Timersoqatigiit Kattuffiata Maligassiuisut-mik taallugu ukioq manna novembarip ulluisa sisamaanni saqqummiunneqarumaarput, nersornaatisisussatullu piukkussatit Kalaallit Nunaanni Timersoqatigiit Kattuffiannut gif@gif.gl-imut nassiussinnaavatit.