Kiisami Kuummiuni tunitsivissaqaqqilerput
Maannali bakteriaqanngitsoq uppernarsarneqareermat, Kuummiormiut qanittuaniittullu qaleralinnik saarullinnillu tunisisinnaalersimapput.
AAMMA ATUARUK Tunumi aalisakkanik tunitsivituaq ammaqqissagunartoq
Inuussutissarsiornerlu iluamik ingerlaqqissinnaalermat Kuummiuni nuannaaqaat.
- Ammaqqikkaangat aalisartut aningaasarsiorlualertarput, aalisartunut piniartunullu ammaqqinera pingaaruteqaqaaq, Kuummiuni nunaqarfimmi aqutsisunut ilaasortaq Boas Boassen taama oqarpoq.
Saarulliit qalerallillu tunisassiorfimmi tunineqartarput. Aalisartullumi pisassaqarluartut misissuisinertigut
paasineqarsimavoq.
Pisat amerlagisassaanngillat
Kisianni maannamut tunisat amerlanngillat. Oktoberimiit maannamut qalerallit 25 tonsit saarulliillu 11 tonsit pisarineqarsimapput.
AAMMA ATUARUK Umiarsuaq tunitsivik Tunumukartussanngortoq
Tunisassiorfillu ingerlalluassappat, aalisartut ulapaarnerusariaqassasut Arctic Prime Fisheries A/S-imi ataqatigiissaarisoq Ole Aggo Markussen oqarpoq :
- Nalilersornikuuarput ammaqqinnginnerani pisariaqartitagut tassaasut ukiumut qalerallit annikinnerpaaffissaa tassaasariaqartoq. Kisianni Kuummiuni eqqaanilu aalisagaqarluaraluartoq aalisartut amerlanngillat.
Kitaanisut aalisassapput
- Ikaarsaariarnissaruna tassani pineqartoq. Kitaanisut, taama oqaaraanni, aalisarnermik inuussutissarsiuteqarnerup aallunneqarnerunissaanut ikaarsaariarnissaq arlalitsigut amigaataasartoq malunnarpoq, Ole Aggo Markussen taama oqarpoq.
Taamaammat Tunumi aalisarnerup inerisarneqarnissaaa pisariaqartoq, ataqatigiissaarisoq isumaqarpoq.
- Suliassaq uagut nammineq kivissinnaannginnatsigu kisimiilluta, Ole Aggo Markussen taama oqarpoq.
Kuummiuni aalisakkerivimmi ulluinnarni sulisut marluupput.
