Blok 5 ukioq 1970-imi marsip 14-iani gassimik qaartoortoqarpoq. Assi Nuummi katersugaasivimmit atorneqarpoq.

Kiisami iluatsippoq: Sanasut Nuummi ajunaartut eqqaassuserneqalerput

Nuummi Blok 5-ip 1970-imi qaartoornerani sanasut ajunaartut maanna eqqaassuserneqartussanngorput. Sanasut qulit eqqaassuserneqarnisssaat Erla Vintherip piffissami sivisuumi ilungersuutigisimavaa, maannali tamanna iluatsilluni. Aviisi AG taama allaaserisaqarpoq.

Blok 5-imi gassimik 1970-imi marsip ulluisa 14-ianni qaartoortoqarpoq, illoqarfimmi ajutoornerit sakkortunersaannut ilaalluni.

Kommuneqarfik Sermersooq eqqaassutissap ujarattassaanut 40.000 koruuninik aningaasaliivoq, eqqaassutissarlu aningaasaliissutigineqartunit akisunerussammat ujaqqerisoq Svend Thomsen aningaasanik allanik 40.000 koruuninik aamma aningaasaliissuteqarpoq.

Eqqaassutissaq Blok 5-ip saavani inissisimassaaq, ajunaartullu eqqaassuserneqarnissaannut ukiuni aqqaneq-marlunni ilungersuuteqartup Erla Vintherip nuannaarutigaa. AG taama allaaserisaqarpoq:

Assi Nuummi katersugaasivimmit atorneqarpoq.

 

- Isumaqarpunga qamuuna eqqissisutut misigisimalissallunga. Ukiut tamaasa marsip 14-ianni Blok 5 eqqarsaatinniittarpoq. 2008-mi misigisimalerama taamaaginnarsinnaanngitsoq. Arlaannik iliuuseqartariaqartutut misigisimalerama niaqunnimmi katassinnaannginnami. Misigisimavunga pisassartik pigaat, Erla Vinther AG-mut oqarpoq.

AAMMA ATUARUK Gassimik qaartoornermi blok fem aserorpoq

Taassuma angutaa Blok 5-imi sanasutut sulivoq, Erla Vintherilu nammineq 2.klassemi atuartuutilluni qaartoqarpallannera misigivaa.

Erla Winther ajutoornerup nalaani ilaatigut pisut pillugit KNR-ip aallakaatitaani Puilasumi siorna 2019-imi pulaartorineqarpoq. Erlallu 2. klassimi atuartilluni Nuummi qaartoorneq misigisaqarfigaa

- Qaartoorpalussuaq tusaavarput - kingornalu paasivarput blok 5-imi qaartoqartoq, Erla Winther Puilasumut oqarpoq.

Blok 5-ip qaartoornerani ajunaartunut eqqaassutissaq, ukioq manna marsip ulluisa 14-ianni eqqaaniaalluni naalagiareernerup kingorna Nuummi uleerneqassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat