Kigutitit paarilluakkit
Ukioq mannalu qulequtaavoq "Kigutitit inuunerit naallugu pigisinnaavatit - illit aalajangissavat”.
Kigutinillu isumaginnittut neriupput, kigutit qanoq pitsaanerpaamik paarineqarsinnaanersut ilinniartitsissutigisinnaassallugu, taavalu kigutaaruttarnermut peqqutinik inuit ilinniartissinnaassallugit.
- Kalaallit Nunaanni inuit kigutitigut peqqissusaat pitsaanngilaq. Pitsaanerulissappat innuttaasut namminneq kigutiminnik paarsinissap pisariaqassusianik paasinninnissaannaat pinnani aammali tamanna anguniarlugu iliuuseqarnissaat pisariaqarluinnarpoq, Nunatsinni kigutinik isumaginnittut allapput.
Nunarput Nunarsuarmi siullersaalluni kigutigissarnerup ulluanik atuutilersitsisuuvoq. Nunatsinni tamani tamaani kigutigissuunissamut tunngasunik assigiinngitsunik aaqqissuisoqartarpoq.