Foto: Tim Melling

Kigutilissuit nalinginnaasumit avannarpasinnerusumiittut siumorneqarput

Canadami arferit ingerlaartarfimminnik allannguinerat silap pissusiata allanngoriartorneranik pissuteqarnersoq oqallisigineqaleruttorpoq. Kigutilissuit marluk Qeqertaaluup avannaata kangisissuani Mitsimataliip avataani takuneqaqqammerput.

Tamanna kigutilissuit nalinginnaasumik ornittagaannit avannarpasinnerungaatsiarpoq.

Kigutilissuit kalaallit arfiisulli sikumik aserorterissutigisinnaasaminnik, niaqquminni manngertumik saaneqannginnertik pissutigalugu nalinginnaasumik imartani kujasinnerusumiittarput. Kigutilissuimmi niaqui aqinnerupput.

Taamaammat ukiunnginnerani piffissaatillugu kujammukaqqinngikkaangamik sikumi nikinnaveersinnaasartut piniartut isumaqarput.
Arfernik takunnittup, Mitsimatalimmi piniartup Titus Allooloop arferit taakku sumiiffimmi tassani takuneqartanngimmata nunaqarfimmiunit ilisarisimaneqanngitsut, CBC News-imut oqaatigaa.

Arferit allat marluk nunaqarfimmi aamma ilisimaneqanngitsut aasaq aamma takuneqarsimasut Allooloop aamma oqaatigaa.

Isummersuutit

2018-10-12_14_10_56-inatsisartut-ukiakkut-ataatsimiinnerat-001.png

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat