Kigutilissuaq toqungasoq Sisimiut avataani siumoraat
Umiarsuup alapernaarsuutip Knud Rasmussenip kigutilissuaq toqungasoq Sisimiut kujataatungaani ataasinngormat siumorpaa.
Allattoq Martine Lind Krebs, Simon Uldum
Immap qaavani qaammallattoqartartoq ippigilerlugu umiarsuup qanillattorsimavaa - sunaaffa kigutilissuaq toqungasoq, Issittumi Sakkutooqarfik Facebookimi taama allappoq.
Ilisimatuut Pinngortitaleriffimmeersut kigutilissuaq kingorna alakkarterpaat. Ilisimatuut umiarsuaata Sannap ungasinngitsumiittup, nalunaaquttap akunnera ataaseq qaangiummat kigutilissuaq tikippaa.
Ilisimatuut kigutilissuaq arlaatigut ajoqusersimanersoq misissorpaat, sarpia assilillugu misissugassanillu arlalinnik tigusiffigalugu. Arnaviaanasoraat utoqqaavallaanngitsoq sivisuumillu toqungasimanngitsoq. Ajoqusersimaneranik ersittoqanngilaq.