Kigutigissartinnermut inatsit piareersarneqaleruttorpoq

Nunatsinni kigutigisartinnermut inatsit siulleq tamassa piareersarneqaleruttorpoq.

Inatsisissamut tunngatillugu Peqqissaaveqarfinnik Aqutsiviup saniatigut tusarniagassat aqqaneq marluupput. Peqqissaaveqarfinnik Aqutsivimmi kigutit nakorsaasa pisortaat Finn Mathiassen ima nassuiaavoq:

Inatsit matumani pineqartoq nutaarluinnaavoq.

Nutaanillu inatsisiliortoqartillugu tusarniaanerit ingerlanneqartartussaapput Finn Mathiassen oqarpoq.

Inatsisissami paragrafit pingajuanni atuarneqarsinnaavoq: ”Meeqqat tamarmik atuartinneqartussaasut ukiui inorlugit ukiullit aamma atuartinneqartussaasutut ukiullit akeqanngitsumik aalajangersimasumik akuttussusilimmik kigutileritinnissamut pisinnaatitaaffeqarput”.

Oqaaseqatigiit taakku naammassineqarsinnaanerlutik:

Sumiiffinni kigutilerisoqarsimappat aap ajornanngilaq, kisianni kigutilerisoqanngitsuni naammassineqarsinnaanngilluinnarpoq.

Nunatsinni kigutilerisut amigaatigineqartuarnerat eq-qarsaatigalugu aningaasaliisartut maannakkornit aningaasaliingaatsiarnerusariaqartut malunnarpoq.

Find Mathiassen isumaqarnerarput qallunaat nunaanni kigutilerisut aningaasarsiaat unammillerneqassappata maani aningaasarsiat 20 aamma 25 procentit akornanni qaffanneqartariaqassasut. Tassa qallunaaq kigutile-risoq nunatsinnukassaguni, nunami qimakkallarnerani taartisinissamik pisariaqartitsissammat ullumikkut taartisiassatut pissarsiarineqartartut annertunngillat, tamannalu iluarsineqartinnagu, qallunaat kigutilerisut nunatsinnukartinnissaat ajornassaaq, Peqqissaaveqarfinnik Aqutsivimmi kigutilerisut pisortaat, Finn Mathiassen radioaviisimut oqarpoq.

Maniitsoq Uummannarlu ullumikkut kigutilerisoqanngillat. Qaqortoq, Qasigiannguit, Ilulissat, Upernavik Tasiilarlu taartaagallartunik peqarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat