Kigutigissarnerup ullua nunatsinni-nunarsuaq tamakkerlugu siullerpaaq

Kigutilunnerujussuaq inuiaqatigiit peqqissusiannut suli ajoqutaanerpaavoq.

Kigutit nakorsaaliartariaarunnissaq sooq misilinnianngiliuk?

Taamaanniarpalli suliartortinnak kigutigissartarnissat pisariaqarpoq.

Peqqissutsimut Pisortaqarfimmiit taama oqarput.

- “Innuttaasut, minnerunngitsumillu angajoqqaat meeqqallu, kigutigissartarnissaannut kaammattuinitsinnut pissutaavoq, innuttaasut namminneq iliuuseqarnerusariaqarmata”, nunatsinni kigutilerisuni pisortaq, Frank Senderowitz, oqarpoq.

- Peqqinnissaqarfimmi sulisussanik suli amigaateqartuarallassaagut.

Taamaattumik innuttaasut namminneerlutik kigutiluttunngornissaq ikkilluttunngornissarlu pinaveersaartittariaqarpaat, kigulerisunut pisortaq nassuiaavoq.

Tujuuluaqqanik, tassa T-shirtinik, kigutigissaatinik innaallagiamoortunik, assiliarsuarnik meeraaqqallu kigutigissaatissaannik nunatsinni tamani ullumi agguaasoqassasoq, Peqqissutsimut Pisortaqarfimmiit oqarput.