Kigutigissaasoq: Iluamik qaammarsaasoqarli

Kalaallit meerartaat inuusuttaallu kigutiluttorujussuusut misissuisimanerit kingulliit takutippaat.

Nuummi kigutileriffimmi klinikassistenti, Dorthe Johansen, oqarpoq qaammarsaanikippallaarneq ilaatigut ajornartorsiutaasoq.

- Kigutilerisut kigutigissaasullu kigutigissuunissaq pillugu qaammarsaanerat amigaateqarsoraara. Suliassaqarpallaarneq ilaatigut peqqutaasinnaavoq, angummassinnaanngilagut, Nuummi kigusiartarfimmi ikiorti Dorthe Johansen oqarpoq.

Dorthip ilanngullugu oqaatigaa angajoqqaat annerusumik akisussaassuseqartariaqartut:

- Angajoqqaat annertoorujussuarmik akisussaaffeqarput. Meeqqatik kigutigissartaqqunngikkunikkit nammineq kigutigissartariaqaraluarpaat, Dorthe Johansen naqissusiivoq.

Kigutigissaasut atuagassiaanni, Tandlægebladet-mi ilaatigut atuarneqarsinnaavoq kalaaliaqqat arfinilinnik ukiullit tallimaagaangata, sisamat kigutaat putoqartartut, nunani avannarlerni allani meeqqanut taamatut ukiulinnut naleqqiullutik kigutaat putoqarnerusarlutik.

Danmarkimi kigutilerisunngorniarfimmi professori Poul Erik Petersen nalunaarusiamik suliarinnittuuvoq.