KNR-imik tusarnaartartut isiginnaartartullu sapinngisamik pitsaasumik tusarnaagaqarlutillu isiginnaagassaqartinniarlugit, isumaqatigiissummik kiffartuussinissamik imalimmik KNR naalakkersuisullu pernaammik atsioqatigiipput.
Kiffartuussinissamik isumaqatigiissut taanna nunatsinni siullersaavoq.
Naalakkersuisut sinnerlugit, Naalakkersuisunut ilaasortaq, Doris Jakobsen, aamma KNR sinnerlugu KNR-ip siulersuisuini siulittaasoq, Juaaka Lyberth, isumaqatigiissummik atsioqatigiittuupput.
KNR-ip nukittunerusup pitsaanerusullu pilersinnissaanut siunertap siunnerfiata tusarnaartartunut isiginnaartartunullu kiffartuussineq soqutiginninnerlu isumaqatigiissutip aallaavigaa. Tassa allatut oqaatigalugu KNR-ip naammassiniagasasraa inatsit malillugu piumasaasoq, innuttaasunik kiffartuussinissamik pisussaaffik aallaavigineqarpoq.
Isumaqatigiissutip eqqortinnissaa aqussinnaajumallugu KNR ukiut tamaasa nalunaarusiortassaaq, pisussaaffinnik ukiumi qaangiuttumi qanoq ingerlatsisoqarsimanera nalunaarusiortassallugu.
Isumaqatigiissut 2006-miit 2008-p naanissaata tungaanut atuutissaaq.