Kiffaanngissuseqarnissaq assut pisariaqartittarpara

Aasiammiut ullumi erfalasulernissaminnut pissutissaqarput. Tassami qallunaaq atuakkiortoq Naja Marie Aidt, Aasianni inunngorlunilu peroriartortoq, oqaluttualiatut atuakkiaminut katersorsimasaminut ”Bavian”-imut ullumi Nunat Avannarliit 2008-mi Atuakkiortunut nersornaasiuttagaannik nersornaasigaammat.

Naja Marie Aidt Aasianni inunngorlunilu alliartorpoq, taavani angajoqqaavi qallunaajusut sulimmata.

- Arfineq-pingasunik ukioqalernissama tungaanut Aasianni najugaqarpunga. Taamaattumik Kalaallit Nunaannut atassuteqartutut misisigimavunga.

Meeraaninni Danmarkimut tikikkaangama qaqqanukarfissaqarani inissaqarpianngitsutut misigisimaneq eqqaamasarpara, kiffaanngissuseqarnissarmi assorsuaq pisariaqartittarakku. Aammattaaq qilaatersortut oqaluttuartullu ilitsoqquppakka, tassalu kalaallit oqaluttuanik qivittulersaarutinillu ingerlatitseqqittarnerat. Tamakkualu uannut meeqqatut assorsuaq pingaaruteqarsimapput.

Kalaallillu oqaluttuatoqaat uanniipput, taakkualu allattalerninnut pissutaaqataasimagunarput, oqaasiliornermullu perusussuseqarnera oqaluttuartartunit taakkunannga meeraatillunga naapittarsimasannit pissarsiarisimagunarlugu.

Atuakkiortarninni Kalaallit Nunaat pillugu atuakkiornissaq ajornakusoorsimavoq, tassami taamaallaat meeqqatut eqqaamasakka pigigakkit, kisiannili taallatut katersukkat nutaat 18. marts saqqummissapput, ilaatigut meeraaninnik ilaatigullu Kalaallit Nunaanni meeraaninnik oqaluttuarput, taamatut Naja Marie Aidt oqaluttuarpoq.

Nunat Avannarliit Atuakkiortunut nersornaasiuttagaat 350.000 koruuniuvoq, oktobarilu naalerpat aningaasat Naja Marie Aidt-imut, Nunat Avannarliit Siunnersuisoqatigiivi Finlandimi Helsinkimi ataatsimiilerpata tunniunneqassapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat