Asii: Kielsenip Løkkellu Nuummi mittarfik takinerusoq qulakkeertariaqarpaat

Nuummi mittarfissaq 2200 miiteriusussaq Kielsenip Løkkellu qulakkeertariaqaraat Kommuneqarfik Sermersuumi borgmesteri kaammattuuteqarpoq.

- Nuummi mittarfissap 2200 miiteriusussap qulakkeernissaanut ikiortigut, Kommuneqarfik Sermersuumi, borgmesteri, Asii Chemnitz Narup Naalakkersuisut siulittaasuannut, Kim Kielsenimut, statsministerimullu Lars Løkke Rasmussenimut aviisimi Jyllands-Postenimi allaatigisami taama kajumissaaruteqarpoq.

Mittarfiliornissamut atatillugu danskinut aningaasaliisinnaasunut suleqateqarnissamut Asii Chemnitz Narup tapersiiumavoq, erseqqissaatigalugulu Nuummi mittarfiliornissap attanneqarnissaa tunngavissaqarluinnartoq.

Timmisartorsuit mittarfissamut 2200 miiteriusussamut missinnaanissaat pisariaqarluinnarpoq, taamaaliornikkut Nuummi aningaasarsiornikkut ukiuni kingulerni ineriartortitsineq attanneqarniassammat, Asii Chemnitz Narup taama isumaqarpoq.

AAMMA ATUARUK Mittarfiliortiternissami suleqatissagut nammineq suli aalajangersinnaavagut

Storebæltsip, Øresundbrop Københavnimilu metrop sanaartorneqanngitsiarneranni isornartorsiorneqangaatsiarsimasut, borgemsterip assersuutitut taavai, taakkumi atulermatali Danmarkimi angallannikkut attaveqatigiinnermi  ullutsinni pingaaruteqarluinnalersimapput

Taamaattumik mittarfissap 2200 miiteriunissaanut imaluunniit 1195 miiteriunissaanut Partii Naleqqap qularnera
borgmesterip isornartorsiorpaa.

- Nuummi mittarfissaq nutaaq piviusunngortittariaqarparput, kalaallit qallunaallu akileraarutai atorlugit uungaannaq isigaluni aaqqiinissaq sianiilliornerussaaq, borgmesteri oqarpoq.

AAMMA ATUARUK Kielsen aasaanerani ataatsimiigiaqqusinissamut piareertoq

AAMMA ATUARUK Sanaartornermi suliassat neqeroortitsivigineqarnissaa Kalaallit Airportsip kinguartikkallarpaa

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat