Anders Olsen Kim Kielsenip siulittaasuujunnaarnisssaanik piumasaqartut, sinnerlugit oqaaseqartarpoq.Assi: KNR

Kielsenimik isornartorsiuisut tapersersuineq pillugu: Siulittaasortaarnissaq suli qilanaaraarput

Siumumi ilaasortat arfineq marluk nuimasut, Kim Kielsenip tunuarnissaanik kissaateqartut, allamik suli siulittaasoqalerusupput.

Siumumi ilaasortani nuimasuni arfineq marluusuni, Anders Olsen Kim Kielsenip partiip siulittaasuatut tunuarnissaanik tamat tutsaanni piumasaqartut, oqaaseqartartoraat.

- Tassa soorunami immikkoortortaqarfiit oqariartuutaat, amerlanerussuteqartut Kim Kielsenip siulittaasuuinnarnissaanik kissaateqarneranik imalik, tusaatissatut tiguarput, Anders Olsen oqarpoq.

AAMMA ATUARUK Kielsen ullut 16-it nipangersimareerluni isornartorsiuisunut akissuteqartoq

Tamanna isornartorsiuisut Kim Kielsenimik Inatsisartuni Naalakkersuisunilu suleqateqarnerannut qanoq isumaqassanersoq suli ersernerluppoq, isornartorsiuisulli siulersuisuunerit inatsisisartunullu ilaasortat ukiakkut ataatsimiilinnginermi naapinnissaannut qilanaartut, Anders Olsen oqarpoq.

- Eqqartueqatigiinnissamut, Inatsisartut ataatsimiinnginnerannut pisussamut, qilanaarpugut, tassani aamma suulluunniit illua tungeriilluta immaqa assortuussutigisinnaasagut arlaatigut naaperiutaasinnaasumik ujartuinissaq qilanaarivarput, taanna oqarpoq.

 

Immikkoortoqrfiit aamma ammanerunissamik ujartuimmata nuannaartoq

Kim Kielsenilumi pingasunngornermi oqarpoq, isornartorsiuisullu naaperiutigisinnaasaminnik ujartuiumaarlutik. tamannalumi pisariaqarpoq, Siumup Inatsisartunut ilaasortaani quliusuni arfinillit Kim Kielsen tatiginagu tunuaqqunikuummassuk.

Kim Kielsenip Naalakkersuisoqatigiivi, Siumut aamma Nunatta Qitornai Demokratinitt ikorfartorneqartut, Inatsisartuni taamaalillutik amerlanerussuteqarunnaarsinaapput.

Isornartorsiuisut arfineq marluk:
Anders Olsen, Nikkulaat Jeremiassen, Henrik Fleischer, Erik Jensen, Laura Táunâjik, Jens Danielsen og Hermann Berthelsen.

Kim Kielsen sassaqqinniarnani nalunaarnikuummat, Siumut 2020-mi aasakkut ataatsimeersualerpat, partiip nutaamik siulittaasoqalerniarpasinnera, isornartorsiuisut qilanaaarutigigaat, Anders Olsen allappoq. 

Kim Kielsenip inuiaqatigiinni ersarinnerulluni, naaperiaasarnissaanik, tusarnaarsinnaanerunissaanillu Isornartorsiuisut piumasaqarnerat immikkoortoqarfiit ilaannit tapersersorneqarmat, taassuma maanna maluginiarpaa,

Immikkoortoqarfiit 34-t Kielsen tapersersoraat

Isornartorsiuisut arfineq marluk Kim Kielsenimik sakkortuumik isornartorsiuisuupput. Allagaq Siumup immikkoortoqarfiini tusarniaassutaavoq, tamatumanilu ilalerneqanngilluinnarluni. Immikkoortorqarfiit arfiniliinnaat isornartorsiutinut Siumullu nutaamik siulittaasoqaleernissaanik piumasaqaammut isumaqataapput.

AAMMA ATUARUK Siumup immikkoortoqarfiisaa Kim Kielsen saqqumilaarneroqquaat

Immikkoortoqarfiit 34-t Kim Kielsen siulittaasuuinnaqquaat. Taama tapersiitiginerup immikkut ittumik ataatsimeersuarnikkut Kim Kielsenimik uppititseriarnissaq pinngitsoortippaa.

Immikkoortoqarfiit tapersiinerat ataasinngormat saqqummiunneqarpoq, Anders Olsenilu isornartorsiueqatini arfineq marluk sinnerlugit tusagassiorfinnut sisamanngornermi allagaqarpoq.

AAMMA ATUARUK Immikkortortaqarfiit aalajangiipput: Kim Kielsen siulittaasuuginnassaaq

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat