Kielsen ualimut angerlarsinnaanngussasoq
Naalakkersuisut siulittaasuat iluaallerluni Christiansborgimiit ambulancenik napparsimmaviliaanneqartariaqalermat folketingimi ammaanersiornerup nalliuttorsiutigineqarnerani tupaallaatigineqarpoq.
Kim Kielsen Rigshospitalimiit marlunngornerup ualikkuani angerlarsinnaalissasoq, Naalakkersuisut siulittaasuata naalakkersuisoqarfia marlunngornermi ualikkut ilisimatitsivoq.
- Misissuinerit takutippaat ajoquteqanngitsoq. Sianiutimigulli kiggittoorsimarpasittoq, paasissutissiinermi pisortaq, Paornánguaq Kleist KNR-imut oqarpoq.
Naalakkersuisullu siulittaasuat ulluni arlalinni eqqissisimaaqquneqartoq ilanngullugu oqaatigaa.
AAMMA ATUARUK Kim Kielsen Folketingimi malinnaatilluni ambulancemit aaneqarpoq
AAMMA ATUARUK Nunarput ullormut oqaluuserisassani aallaqqaataaniit