Assi: Statsministeriet / Ritzau

Kielsen Naalagaaffeqatigiit Savalimmiuni ataatsimiinissaannut peqataavoq

Naalagaaffeqatigiinni Naalakkersuisut siulittasui ukiumoortumik Savalimiuni ataatsimiilerunik nunat allamiut nunatsinni sulianut aningaasaliisarneri aamma saliginissat oqaluuserissassaannut ilaapput.

Naalakkersuisut siulittaasuat Kim Kielsen, Savalimmiuni naalakkersuisut siulittaasuat Aksel V. Johannesen aamma danskit ministeriunerat Lars Løkke Rasmussen Naalagaaffeqatigiit ataatsimiinneranni Savalimmiuni ataasinngornermi aammma marlunngornermi juunip ulluisa aqqarnganni aamma aqqaneq aappaanni peqataassappput.

Naalakkersuisut siulittaasuata Kim Kielsenip oqarnera naapertorlugu, siunissami EU-mik suleqarnissaq oqaluuserissanut ilaanissaa naatsorsuutigivaa,  aamma Tuluit Nunaat EU-mit aninerata kingorna periusissat, kiisalu Kalaallit Nunaata Savalimmiut Danmarkillu nunanut allanut tunngasunut suleqatigiissutigisimasaannik nalilersuineq.

Oqaluuserineqartussanut ilaavoq, nunat allamiut Kalaallit Nunaanni sulianut aningaasaliisinnaanerat, assersuutigalugu Kina,  danskit naalakkersuisuisa mianersoqqussutigisimasaat.  

Nunat allamiut nunami maani  aningaasaliinissaminnut soqutiginnileraluttuinnarnerat tamanna qanoq aqussinnaaneripput
ataatsimoorluta oqaluuserinissaa uanga pisssusissamisoortutut isigaara,  soorlu aamma Danmarkimi Savalimmiuni allanilumi tamanna pisinnaavoq, Kim Kielsen oqarpoq.

Naalagaaffeqatigiit siuttuisa ataatsimiinneranni oqaluuserineqarsinnaasutut ilimagineqartoq tassaavoq Savalimmiormiut Kalaallit Nunaanni  aalisakkerivigisimasaat, Kalaallit Nunaata Savalimmillu suleqatigiillutik piiartussagaat.

Naalakkersuisut Siulittaasui ataasinngornermi naapissapput, kingornalu Savalimmiuni qeqertat kujasinnerpaartaannut Suðuroymut ingerlassallutik. Naalagaaffeqatigiit ataatsimiinnerat pissaaq marlunngornermi  juunip ulluisa aqqaneq aappaanni nunaqarfimmi Leynavatnimi Torshavhip avannaatungaani.

 

 

 

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat