Kielsen: Isornartorsiuisoqarnera puiguinnartigu
Nalunaarusiami angisuumi aqutsisup isornartorsiuinera puiguinnassavarput. Taama Naalakkersuisoq Kim Kielsen ullumi nalunaarusiaq pillugu tusagassiortunik katersortitsigami oqariartuuteqarpoq.
Nalunaarusiaq: Kalaallit Nunaanni piujuaannartitsinissaq amigaataavoq
Hans Meltoftep siuttuulluni suliarinnittuusimasup issittumi uumasut ukiut qulikkuutaat ingerlanerini ikiliartortut taakkartorpaa.
Kalaallit Nunaanni piniapilunnerup patsisigisaanik appat, qasigissat aarrillu ikiliartortut takkartorpaa.
Alle arktiske dyr og planter kortlagt
Umiatsiat sukkasuuliat sakkussallu piniarnermut atorneqartartut piniarnissamut ajornannginnerulersitsineri peqqutaaqataatippai.
Pinngortitamut avatangiisunullu Naalakkersuisup Kim Kielsenip Hans Meltoftip oqariartuutaa puiguinnaqquaa.
- Nalunaarusiami tassanerpiaq minnerpaarpaamilluunniit nunarput peqqarniitsutut piniapiluttutullu arlaatigulluunniit taaneqanngilaq.
Taamaammat oqarpunga, Hans Meltoftip oqaasii puujorniartigit piffissaajaatigit.
nalunaarusiami oqariartuutit pingaaruteqartigisut. Taakku misissortigit, taakkua samminiartigit, taakku pingaarnerpaapput, Kim Kielsen oqarpoq.
Kim Kielsen isumaqarpoq Hans Meltoftip oqariartuutaa pingaaruteqanngitsoq, kisiannili nunani issittuni uumasut assigiinngissitaarnerat pillugu nalunaarsuaq saqqummiunneqartoq politikkikkut sakkussatsialattut atorneqarsinnaasoq.
- Uanga pingaarnerutippara oqariartuutit assigiinngitsut massakkut sammissagigut. Nalunaarusiaq qallunaatut kalaallisullu nutserneqareerpat inatsisartut innuttaasullu qanimut suleqatigalugit oqallisigissavarput. Suunuku periarfissat atussagigut, innersuussutit 46-it akornanni, Kim Kielsen oqarpoq.
Kim Kielsen aperaarput nalunaarusiami siuttuulluni suliarinnittuusimasup Hans Meltoftip oqariartuutaa puiguinnassallugu oqarnera peqqarniinnerunnginnersoq. Akivorlu ilisimatuut 253-it suleqataasimasut, oqaasiilu assigiinngeqisut aamma inuup ataasiinnaap oqaasia tusaaniassallugu pissusissamisuunngitsoq.
