Kibaki Odingalu atsioqatigiipput
Kenyami præsidenti Kibaki illuatungiliuttorlu Odinga, politikkikkut illuatungeriit perullulioqattaarnerat unitsillugu naalakkersusooqatigiilerniarlutik isumaqatigiissummik atsioqatigiissimapput.
Allattoq Louise M. Kleemann
februaarip 28-at 2008 09:49
Naalagaafiit Peqatigiit pisortaat, Kofi Annan akunnerni sisamani illuatungeriit ataatsimeeqatigereerlugit naalakkersuisunngoqatigiinniartut nalunaarutigai.
Annanilli nalunaarunni itisilerusungikkallarpaa, illuatungeriit tunuliaqutitik suli isumaqatiginiartussaammatigit.
Ukiorli qinersisoqarmat, illuatungiliuttup Odingap præsidentinngortoq Kibaki peqquserlulluni imminut ajugaatissimanerarmagu perullulioqattaarnerit inuit tuusindit inuunerannik akeqarsimapput 300.000-illu angerlarsimaffimminniit qimaatinneqarsimallutik.
