Kiattup anorersuata kaavittuliortup Bangladesh aqqusaalutoraa
Kiattup anorersuata kaavittuliortup nalunaaquttap akunneranut 240 kilometerit angullugit sakkortussusillip, ulussaarsuartullu sakkortussusillip, Bangladesh’ip kujataata kitaani sineriak ullumi aqqusaarpaa.
novembarip 16-at 2007 08:12
Illut aseruasimapput, orpiillu sorlatik ammullugit uppikaasimallutik, ukiorpassuarni aatsaat taama anorersuartigisoq oqartussaasut nalunaarutigaat.
Anorersuaq kaavittuliortoq – Cidr-imik atserneqartoq – anorersuartut kaavittuliortutut 1991-imi sakkortutigaaq, anorersuarlu taanna taamani inuit 138.000-it inuunerannik naleqarsimavoq.
Oqartussaasulli ilimagaat ajunaartut ikinnerussasut, tassami naalakkersuisut pinasuartumik iliuuseqarsimammata, piffissaagallartillugulu inuppassuit qimarngussorsimallugit.
