Kiattup anorersua tyfon Filippinerimut Nuummiittumut isumaalutitsivoq
Nutaarsiassat taama tusarliunneqartut filipiinerinnginnaaneersumut Nuummi najugaqartumut 41-nik Richard Ocha-mut ilungersunarsimavoq.
Richard Ocha Filipiinerininngaaneersuuvoq Nuummi najugaqarluni, neriniartarifmmi Bones-imi sulisuuluni.
Richard Ocha ukiuni tallimani Nuummi najugaqarpoq, nulia, meerai pingasut, panii marluk erniaralu ataaseq anaanaalu kiattup anorersuanit tyfon-imit eqqugaapput.
Taakkua atuarfimmut qimanngunneqarput, atugaliorpullu, najugaqarfigisaat innaalliagaqaranilu imeqanngilaq.
Richard Ocha-p nuliani attavigisimavaa, naak tamanna ilungersunarsimagaluartoq.
Najugaqarfigisaat innaallagiaqanngimmat isigiitigalugu oqaluussissarfik skype atorlugu attavigineqarsinnaanngilaq, internet-imut aamma attaveqanngilat.
-Nuliara ippassaq oqaluukkakku maannakkut najugaqarfigisimanni atugarissaarpallaanngillat, najugaqarfigisaat atuarfik ippernanik kiattup ippernaanik ulikkaartoq oqaluttuppungaa, illutta qaliaa tingitaasimavoq Filipiinerit avannaatungaa Richard-ip najuaqarfigisaa kiattup anorersuanit tyfon-imit annertuumik eqqorneqarpoq, Richard Ocha oqarpoq.
- Aqqusernerni nakkarnaveeqqutit kaanngaartinneqarput, anorersuarneranit siallerujussuarneranillu orpiit sorlaminnit katagartinneqarput biilerpassuillu nakkakaallutik. Pinngortitap tamanna piliaaraa susinnaanngilagut, Filipiinerineersoq ilaqutariinni ataataasoq isumaaloqisoq tamaa oqarpoq.
Suna tamarmi ajorluinnartutut ikkaluartoq, filipiinerineersoq Richad Ocha inussiarnersuunini isumatusaarninilu attatiinnarpai.
- Qujanarujussuaq ajornartorsiutikka pillugit aperisorusussimagamma aamma qujamasuutigaara Danmark filipiinerinut ikiuunniarmat, guutip pilluaqqulisii.