Ingammik inuit angerlarsimaffeqanngitsut 1,3 millionit eqqorneqartussaapput. Silarlussuup koleramik nappaalaneq sapaatip akunnerini kingullerni inuit 400-t inuunerannik naleqarsimasoq ajorteriartissinnaavaa.
DR-ip ulanngutassiortua, Thomas Ubbesen, qanittukkut Haitimiit SMS-isivoq. SMS-imi tassani ersersinneqarpoq Haitimi angerlarsimaffeqanngitsut akornanni pissutsit qanoq ajortiginersut:
- SMS takkuppoq nalunaaqutaq 23:38, Haitimiillu Vanel Gay-imeersuulluni, angut inuussuttoq Haitimi pissarliortut inaaneersoq siornatigut DR-imut apersortarsimasara allappoq.
SMS-ip oqaasertai imaapput: Navianartorsiorpunga imeq virus-eqarami, ullut tamarluinnaasa inuit eqqanni toqorarput, Thomas Ubbesen oqarpoq, nangillunilu:
- Oqarasuaatikkut oqaluukkakku ajortumik ingerlavoq, koleramik napparsimalaarpoq. Amerlasuut toqqutigisimagaat takoreerpaa, aamma ikinngutiginerpaasami ilaat.
Ikinngutiginerpaasaa ateqarpoq Junior, imermillu imernermi kingorna napparsimalersimalluni. Nalunaaquttap akunneri marluinnaat ingerlanneranni ukiut 20-t utoqqalivoq nikorfasinnaajunnaarlunilu.
Sanigorujussuarpoq toqullunilu, inuit maani ullut tamaasa toqorarput. Taama Vanel Gay oqaluttuarpoq Port du France-p qeqqaniit.