Japanimi kiasiortorsuupput, silaannarissaaterpassuillu tamatuma kingunerisaanik atorneqarmata innaallagissamik atuineq qaffariarujussuarpoq.
Ullup ataatsip ingerlanerani innaallagisasmik rekordiliissutigineqarpoq, tassa 3,42 milliardi kilowattimik ippassaq atuisoqarsimagami.
Kalaallit Nunaanni 2004-mi innaallagissamik atuineq katillugit 259 millioni kilowattiuvoq.
Kiassuup kingunerisaanik inuit ikinnerpaamik 30-t ippassaq toqusimapput, amerlanerit utoqqaallutik. 40-t gradit qaangerlugit ippassaq kiassimavoq.
Nunarsuarmi innaallagissiorfiit annersaat Tokyo Electric Power ukiut 17-it ingerlanerini siullermeerluni sillimmarterpoq, innuttaasullu ilimasaarlugit innaallagissamik amikkitsoortoqartalersinnaasoq.