Kiassuaarnerata Akropolis matugaa
Grækerit Nunaata illoqarfiisa pingaarnersaani Athenimi oqartussat Akropolis sisamanngormat kiappallaarnera pissutigalugu matuvaat.
Akropolisimi grækeritoqqat naalaffissuisa inissisimaffiat 150 meterinik portussuseqartoq nalunaaqutaq ullup qeqqaniit sisamat tungaanut alakkarneqarnissaanngilaq.
Athenimi kiangaatsiarnera pissutigalugu takornariat illersorniarlugit taama matusisoqarpoq.
Sisamanngornermi ualikkut kiassuseq 38 gradit tikittarsinnaagaa silasiortut oqaatigaat.
Akropolis ujaqqanik sanaajuvoq qummukajaaqarlunilu. Taamaammat kiassuseq nalinginnaasumiikkaluaraangalluunnit takornariarfigissallugu nuannarineqartup Parthenonimik ilaatigut aamma ilisimaneqartup alakkarnera kiagunnarsinnaasarpoq.
Akropolis nunarsuarmi takornariarfigissallugu nuannarineqarnerpaat ilagaat.
Takornariat millionikkaat ukiut tamaasa takornariartarput Akropolisilu Unescop nunarsuarmut kingornutassianngortitaasa allattorsimaffianiippoq.
Grækerit Nunaannut takornariat 2018-imi 33 millioniupput. Ukioq mannalu taama amerlatigisut takornariarnissaat naatsorsuutigineqarpoq.
/ritzau/Reuters
