Kiassarnermut siumoortumik akiliutaasartut INI-p allannguiffigai

INI-p juunip qaammataani 2013-imi nalunaarutigaa, INI-p inissiaataani kiassarnermut siumoortumik akiliutaasartut allannguiffigineqassasut. Tamannalu maanna piviusunngortinneqarpoq.
Allattoq Peter Troelsen, Simon Uldum
aggustip 27-at 2013 06:55

Kiassarnermut atukkat attartortullu akiliutigisartagaasa oqimaaqatigiissinniarlugit taamatut allannguuteqartitsinissaq pisariaqalersimavoq. Aammattaa uuliap akiata pilersuisullu akigititaasa qaffakkiartorneranut akiliutigisartakkat naleqqussarneqarnissaat pisariaqalersimavoq.

- Aningaasartuutit atuinernut tulluarsarneqarnerisigut upernaaru akiliisitsinnginnissaq anguniarneqarpoq. Aningaasartuutit atuinernut nalimmassartarneri qaammatit pingasukkaarlugit pisalerpoq, taamaattumik ukiortaami 2014mi aamma tulluarsaasoqarnissaa naatsorsuutigineqassaaq, INI-mi sullitanut pisortaq Birte Kielsen nassuiaavoq.

INI-mi aamma erseqqissarneqarpoq kiassarnermut siumoortumik akiliutit INI-mut tunneq ajormata,  najugaqarfinnili kiassaateqarfinnut nakkartinneqartarlutik.

Aningaasaatitit sumut atorneqartarnersut ataani takusinnaavat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq