Kiassaat sullulik qaartoormat uivernersuaqarpoq

Kiassaat sullulik immattalerluni New Yorkimi Manhattanimi ippassaq qaarmat, inuk ataaseq uummasserilluni toquvoq, allallu 20-t ikilerlutik.

Qimuttuitsut unittarfissuanni Grand Central Stationimi uivernersuaqarpoq.

- 2001-imi septembarip aqqarnani pisut kikkut tamarmik soorunami eqqarsaatigaat, qaartoorfiup nalaaniittoq Heiko Thieme oqarpoq, qaqqamullu innermik anitsisartumut qaartoorfiusimasoq assingutillugu.

Imeq kiassaammit tissaluppoq, allaanngilarlu puilasoq tissaluttoq.

Kiassaat sullulik qaartoormat transformatori aamma qaartoorpoq, inuillu qaartorfimmit qimarrattut septembarip aqqarnani pisumut assingulluinnartumik iliorput.

Peqqarniisaarniartoqarsimanngitsorli New Yorkip borgmesteria Michael Bloomberg tusagassiortunik katersortitsinermi oqarpoq, tassa atortorissaarutinik qaartoortoqarsimasoq nalunaarutigalugu.

Kiassaat sullulik qaartoortoq 1924-imeersuuvoq, qaartoorneranilu aamaajuitsunik, tassa asbestimik siuaruaattoqarsimassasoq aarleqqutigineqalerpoq.