Kiarujussuarnera sangusaartartunut akornusiivoq
Arnat sangusaartartut sisoqqannissaat, novembarip 13-ianni aallartittussaq, Qaasuitsup killeqarfiata avannaatungaani kiarujussuarnera pissutigalugu taamaatiinnarneqarallarpoq.
Allattoq Carla Davidsen
Finlandimi sisorartarfissuarmi, illoqarfimmut Levimut qanittumiittumi, allorniusami sanimukartumi 68-imi, aputeqanngivippoq. Imami kiatsigaaq nunarsuarmi sisoqqarinnerpaat sisorarfissaanni imermik aputiliornissaq akilersinnaassanani. Taamaammat arnat World Cupernissaat novembarip naalernerani aatsaat pissaaq, USA-mi Canadamilu sangusaartoqassalluni.
Laplandimi illoqarfimmi Levimi maanna qerinnarpoq, ulluni tulliuttuni tallimat missaannik kiatsissalluni.