Khaderip partiinut nooqattaarnini ingerlateqqippaa
Naser Khader, siullermik Radikalenut ilaasortaariarluni, partii nutaaq Det Ny Alliance, kingorna Liberal Alliance-nngortoq aallarteriarlugu, kingorna tassannga ilaasortaajunaarami kisermaanngoraluariarluni ullumi Det Konservative Folkepartimut ilaasortanngorpoq. Konservative-t amerlanerasaasa Khaderip ilaasortanngornera ajorinavianngilaat, ilaasali qanoq Konservative-nut isumaqataanngitsigisarnikuunera eqqaamagaluarpaat, kisianni siulersuinuni aamma Khaderip ilaasortanngornera iluarineqassagunarpoq.
Khaderip allaassuteqaatigaa misigissuseqarluni isummerfigisassat qununani akuleruffigisaramigit, soorlu Muhammed pillugu titartakkat aallaavigalugit perulluliortoqaqattaaleraluarmat akulerusimalluartoq. Khader arlaannaannulluunniit oqaaseqartartutut inissinneqarallarnavianngilaq, pisarnermisulli sammisat misigissuseqarfigineqartut nammininnguaq isummerfigisarlugit ingerlaannarpat, Konservativet iluariinnassagunarpaat.