Khader tusagassiortunik katersortitsilerpoq

Naser Khader, Danmarkimi politikeri nuannarineqarluartoq partiimit Det Radikale Venstre-mit tunuarnini nittartakkamini saqqummiuppaa, ilutigitillugulu Danmarkip nalunaaqutaa malillugu ualeru marluk-qeqqanut tusagassiortunik katersortitsinissi nalunaarutigalugu, tassa nunatta nalunaaqutaa malillugu tassuugu qulit qeqqanut.

Christiansborgip oqaluttuarisaanerani partii Det Radikale Venstre aatsaat taama ullumi ataasinngornermi maajip ulluisa arfineq-aappaat aalassaffiutigissaaq. Partiimi taanna, Venstrenit avissaarluni 1905-imili pilersinneqarmat, allamik partiiliornissaq siunertaralugu, avissaartuuffiusussanngorpoq.

Naser Khaderip Radikalinit anininermigut peqatigissavaa parteeqanni EU-parlamentimi ilaasortaq Anders Samuelsen konservativineersorlu Gitte Seeberg.

- Det Radikale Venstre-nit ullumi tunuarpunga, Christiansborgimi tusagassiortunik katersortitsissaanga nalunaaqutaq 13.30, Naser Khader nittartakkamini Khader.dk-mi allappoq.