Kerbalami qaartartumeerisoqarnerani inuit 55-it toqutaapput
Upperisarsioqatigiit Shia-musliimit qinusarfiisa illernartitaasut annersaata eqqaani illoqarfiup Kerbala-p eqqaani ullumi qaartartoq biiliniittoq qaartinneqarmat inuit 55-it toqutaapput 70-illu ikiligaapput, atorfilittat nalunaarput.
Qaartartumeerinninneq pivoq unnukkut arfineq marlunut, inuit illoqarfip qinusarfiinut ingerlaaruttorneranni, ilaatigut upperisarsioqatigiit shia-islam-it qinusarfiisa illernarnerpaat ilaannut Imam Hussein-imukaartoqarnerani.
Ikiligaasimasut amerlanerit arnaapput meeqqallu, peqqinnissaq pillugu Kerbala-mi oqartussaasut oqaaseqarseqartittagaat oqarsimavoq.
Amerlasuut perulupput, toqusullu amerlanerunissaat ilimagineqarsinnaavoq oqaaseqartittagaq oqarpoq.
Illoqarfimmi tassani qaammatip ataatsip ingerlanerani qaartartumeerinninnerit sakkortuut aapparaat.
Apriilip ulluisa 14-anni qinusarfiup Imam Hussein-ip eqqaani inuit–it 42-it qaartartumeerinninnermi toqutaapput.
Irak-imi sumiiffinni allani ullumikkut 19-it toqutaasimasut aamma nalunaarutigineqarpoq.