Icelandairimmi aqqut Keflavikimiit Billundimut aappaguumiit ammarniarpaa.
- Islandimiit Københavnikkooqqaanngikkaluarluni Billundimut timmisartoqartarnersoq apeqqutigineqartartorujussuuvoq.
Icelandairip Scandinaviami allaffissornikkut pisortaa, Bjarne Birkir Hardarson, ekstrabladet.dk-mut oqarpoq.
Ullumikkut Nunatsinniit toqqaannartumik Jyllandimut timmisartoqarneq ajorpoq. Jyllandiliarniartullu qimutsuittunik, bussinik imaluunniit timmisartumik ingerlaqqittariaqartarput.
Islandimiit toqqaannarlugu Jyllandiliarsinnaalernerup angalaneq sivikinnerulersissaneraa ullumikkut oqaatigineqarsinnaanngilaq. Apeqqutaassaarlu timmisartut ilaaffissat ataqatigiissaarneri qanoq innersut.
Billundimiit Keflavikkimut timmisartumik aqqut aappaagu atuutilerpat sapaatip akunneranut pingasoriarluni aqqutikkut tassuuna timmisartoqartassaaq.