Keermiaasiit atuivallaarsimasoq

Naalakkersuisunut ilaasortat ilassinninermut atuivallarsimanerannik Sermitsiap allaaserisaqartarnera suli ingerlarsorpoq. Sermitsiami ullumi saqqummersumi tamatumuuna Aalisarnermut Naalakkersuisup Rasmus Frederiksen –ip Naalakkersuisunut ilaasortaqatiminit ukiup affaannaata ingerlanerani atuinerujussuusimanera allaaserineqarpoq.

141.387 koruunit atorsimasai ,Nalakkersuisunut ilasortat sinnerisa atorsimasaannut allaanerujussuunerat aallaaserineqarsimavoq. Hans Enoksen 57.000 koruuninik, Henriette Rasmussen 49 tusind koruuningajannik, Josef Motzfeldt 13.700 –ut missaannik, Asii Chemnitz Narup 13.500 –it missannik atuisimapput.

Angerlarsimaffimmi atugassanik viinisinermut 2000 koruunit sinnillit atorneqarsimapput. Neriniartarfinni Hotel –inilu imigassanik kimittuunik pisinerit, ilaquttanilu Hotel –imi neriniartarfinnilu allani nereqatigiinnerat, Naalakkersuisunut ilaasortanngorami Sisimiuni neriniartarfimmi nerisitsisimanera. Namminerisamik nerisitsisarnerit aammalu Sermitsiaq naapertorlugu unnuakkut bar-imiittarnerpassuit. Ikinngutinik Siumukkormiunit nerisitsinerit , tassa ilaatigut tamakku tamarmik Rasmus Frederiksen –ip ilassinninnermut atugassanit akilertittarsimavai.

Aalisarnermut Piniarnrmullu Naalakkersuisoqarfiup erseqqissaatigisimavaa aningaasartuutit ilaat kukkusumik ilassinninnermut konto –mut inissinneqartarsimasut.