KB-84 Kangaatsiameersoq arsaalluni pissartanngorniunnissami peqataasussanngorpoq

Angutit arsaallutik Kalaallit Nunaanni pissartanngorniunnissamut holdit peqataasussat arfineq-pingajuat, kingullersaallu, ippassaq unnukkut aatsaat toqqarneqarput. Pissartanngorniunnerit Qeqertarsuarmi ataasinngorpat aallartissapput, holdit arfineq-pingasut peqataassallutik, holdilli peqataasussat kingulliit ippassaq aatsaat nassaarineqarput.
aggustip 07-at 2009 07:42

Amaroq Uummannap pigisaaniit Saattuneersoq aamma KB-84 Kangaatsiameersoq pissartanngorniunnissamut ilaaniullutik unammipput. Unamminerup immikkoortuani siullermi Amaroq pingasoraarlutik ajugaagaluarput, KB-84 ataaseraartut, pissartanngorniunnissamullu peqataarngaartussatut ilimanarsigaluarput.

Ilulissanili unammeqqinnermi Kangaatsiameersut KB-84 sisamaraarlutik ajugaapput, Amaroq Saattunnersoq ataaseraartoq, pissartanngorniunnissamullu Qeqertarsuarmi pisussanut KB-84 taamaalillutik peqataasussanngorput.

Anngunniulluni unamminerni arlalinnik tupaallannartoqarpoq. B-67 Nuummeersut siorna pissartanngortut, aamma K-33 Qaqortumeersut, pissartanngorniunnissamut ilaasaraluartut, peqataanngitsoortussanngorput.

Pissartanngorniunnissami aaqqissuisut, G-44 Qeqertarsuarmeersut, Tasiilamiit ATA, Kujataanilu nunaqarfimmiit Tasiusameersut, NÛK Nuummeersut, SAK Sisimiuneersut, Nagdlúnguaq ilulissaneersut, Malamuk Uummannameersut taavalu KB-84 Kangaatsiameersut pissartangorniunnermi tassa unammissapput.

Pissartanngorniunnissat Qeqertarsuarmi arsaattarfimmi kusanaqisumi ingerlanneqassapput, Qeqertarsuup Tunuani sissamut qanittuaqqami, pissartanngorniunnerillu ullup qeqqata siorna nalunaaqutaq qulinut aallartissapput.