Katuullit kardinaaliat ukiuni arfinilinni parnaarussaassasoq
Autraliami katuullini kardinali George Pell meeqqanik atornerluisarsimasutut ukiuni arfinillini pineqaatissinneqarpoq.
Paavip siunnersortigisimasaa, Kardinal George Pell, nukappiaqqanik marlunnik 1990-ikkunni kinguaassiutitigut atornerluisimavoq.
Allattoq Bikki P. Kleist
marsip 13-at 2019 08:19
Pavep aningaasaqarnermut ministeria kinguaassutitigut atornerluisimasutut nalunaarsuiffimmiilissaaq, Melbournemi eqqartuussisoq taama nalunaaruteqarpoq.
Kardinali pavimut siunnersortaasimasoq nukappiaqqanik marlunnik ukiukitsunik atornerluisimasutut pingasunngornermi ukiuni arfinilinni parnaarussassanngortinneqarpoq.
AAMMA ATUARUK Kinguaassiutitigut atornerluisarneq nipangiuneqaqqissanngilaq
Kardinalip katuullit oqaluffianni nukappiaqqani erinarsoqatigiinneersut marluk 1990-ip qiteqqunnerani atornerlussimavai.
Ukiunilu tulliuttuni sisamangajanni misiligutaasumik iperagaasinnaassanngitsoq eqqartuussivimmi aalajangerneqarpoq.
