Katuaq qulinngortorsiorpoq

Kulturikkut illorsuaq Katuaq ullumi ukiuni quliliivoq,

Innuttaasut akeqanngitsumik kaffillerfigineqarput, lagkagerujussuarmik pillertoqarpoq, qilaatersortoqarluni eqqumiitsulianillu saqqummersitsisoqarluni.

Kulusummiut arnat qilaatersortartut niviarsiaraq Paula Kalia arfineq-marlunnik ukiulik peqatigalugu ilaatigut qilaatersorput.

- Filmeriaraangama koncertertoqaraangallu Katualiartarpunga allamik naamik, Mathias Nikolaisen oqarpoq.

- Ernutsiarlunga Nuummiippunga aatsaat taama pisoqartillugu peqataavunga, maanga tikittarninni nuannerunartorujuusarpoq assullu iserusunnartarluni, Eva Iversen oqarpoq.

- Uanga iserneq ajorpara nuannarinnginnakku itsakkajaajugama muteerniuallaarsoraara, Samson Frederiksen oqarpoq.

- Maannallattaasaqaanga weekendtini neriartorfigisarparput koncertertunukartarpugut. Katuaqalersimanera peqqissiminanngeqaaq, Gudrun Mikaelsen oqarpoq.

- Kalaalerpassuit ornigartarpaat kulturisiorfimmi katerisimaarluni nuannertaqaaq, Karoline Mikaelsen oqarpoq.

Katuap ukiunik qulinngortorsiorneranut atatillugu ulluni aggersuni pisussanik assigiinngitsunik aamma aaqqissuussisoqarpoq.