Katuaq millionit affaanik amigartoorpoq

Kulturikkut illorsuaq Katuaq siorna amigartooruteqangaatsiarpoq, tamanna pillugu aningaasatigut isertitsissutaanerusartussanik pisortaqatigiit suliniuteqarnialerput.

Annertunerusumik sammisaqartitsinikkut Katuap aningaasaqarniarnera ilorraap tungaanut sangutinniarneqassasoq, Katuap pisortaa Julia Pars oqarpoq:

-Katuap 2011-mi anguniarpaa sammisassaqartitsinermi annerusumik kaaviiaartitaqarfiusinnaasumik aaqqissuinissaq, soorlu tusarnaartitsinerit qaaqqusinerit annertuut aamma ataatsimiinnerit amerlanerit.

Amigartooruteqannginnissaq, imaluunniit aningaasartuutit sapinngisamik amerlinnginnissaat pillugu suliniutit assigiiinngitsut aqqutigalugit anguniarneqassasoq, Katuap pisortaa Julia Pars oqarpoq.

Katuap 70.000-it koruuninik 2010-mi sinneqartooruteqarnissaa naatsorsuutigineqarsimagaluarpoq, 495.000-it koruuninik amigartooruteqarluni. Katuap 2010-mut naatsorsuutaani tamanna atuarneqarsinnaavoq.

Tusarnaartitsinermi isiginnaartitsisarnernilu isertitat ilimagisamit ikinnerusimanerat ilaatigut pissutaapput.

Katuallu avammut nittarsaassiniartarnera pitsaanerusariaqartoq, Julia Pars oqarpoq:

- Nittarsaassineq ilaatigut pitsaanerusariaqarpoq kisianni ullumikkut aamma tassuunakkut suliavut ajunngitsorujussuupput.  Nittartakkakkut tusagassiuutitigullu nalunaaruteqartarnerput aamma ingerlajuarpoq.

Julia Parsip oqaatigaa, Katuami aningaasartuutit suli sukanganerusumik aqunnissaat pingaaruteqarluinnartoq.

Katuap amigartooruteqarnera sammisassaqartitsiniarnernut sunniuteqassava?

- Sammisassaqartitsiniarneq ajornarnerulissasoq naatsorsuutiginngilaat. Aamma erseqqissaatigerusuppara Katuami aningaasatigut ingerlatsiner ajornartorsiunngimmat. Naatsorsuutigaarput 2011-mi anginngikkaluarmik sinneqartoornissarput, Katuap pisortaa oqarpoq.

Katuaq 25,6 millionit koruuninik siorna kaaviiaartitaqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat