Katuaq meeqqanut filmertitsissaaq
Meeqqanut filmfestivalertitsitsineq Buster-imik taagugaq meeqqanut inuusuttunullu akeqanngitsumik filmertitsisaarluni sap.ak. una Katuami aallartippoq.
Allattoq mlk
oktobarip 04-at 2010 12:28
Filmit meeqqanut pingasuniit 16-init tungaannut ukiulinnut sammititaapput.
Buster-festivali 2000-imili Danmarkimi ukiut tamaasa ingerlanneqartalerpoq. Filmit 169-it ukioq manna takutinneqassapput. Ukioq kingulleq aallarnerfigalugu filmit ikinnerit Nunatsinnut takutitassanngorlugit nassiunneqartalerput.
Nuummi paaqqinnittarfiit meerartatik filminik naatsunik takutitsissallutik qaaqqusipput, ilaatigut timmiaaraq Fløjteløs, qarlorneq ajorami politiip qarlortaataanik tillittumik oqaluttuaq.
Meeqqanut annerulaartunut (0.-3. Klassenut) filmi Friends Forever, Eep (4.-7. Klassenut) Megaheavy aamma A Town Called Panic (8.-10.klassenut)
Filmit tamarmik danskisut kalaallisullu toqqaannartumik oqalutseqassapput.
