Katuaq ingerlalluarsimavoq

Katuami siulersuisut ippassaq ataatsimeersuarput, Katuallu siorna 2004-imi ingerlanneqarnera iluatsilluarsimasoq siulersuisut naliliipput. Aningaasat katillugit 24,1 million koruunit kaaviiaartinneqarsimapput, 420.000 koruuninillu sinneqartooruteqartoqarluni.

Katuap ingerlalluarsimaneranut pissutaatinneqartut ilaattut taaneqartut tassaapput, Namminersornerullutik Oqartussat ukiunik 25-nngortorsiornerata malunnartinniarlugu assigiinngitsutigut aaqqissuussisarsimanerit. Soorlu nunatsinnit nunanillu allanit tikeraat, ilaatigut kunngikkormiut tikeraartorineqarlutik aaqqissuussisoqartarsimasoq.

Aammali nipilersornikkut aaqqissuussinerit arlaqarsimapput, soorlu nipilersoqatigiit Savage Rose aamma Pamyua tusarnaartitsisinneqarsimasut. Arlaleriarluni aamma isiginnaartitsisoqarpoq, soorlu ”Qasapip ullui kingulliit” takutinneqarsimasoq. Taamatuttaaq filmit takutinneqartut iluatsilluarsimapput, pingaartumik filmi 1954-imeersoq Qivittoq ornigarneqarluarnerpaasimavoq.

Katuami siulersuisut taarserput, siulittaasunngorporlu Michael Skourup, Takornariaqarnikkut Siunnersuisoqatigiinneersoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat