Katuamut pisortat tapiissutaat pisariaqartinneqarput, amerlanerusariaqarlutillu

Aaqqissuussinerit imminnut akilersinnaasut, soorlu tusarnaartitsinerit ataatsimiititsinerit kisimik ingerlanneqarsinnaalissasut, tamannalu kissaatiginanngitsoq Julia Pars oqarpoq. Kultur pisortanit siunissami tapiiffigineqartarnissaa pisariaqarpoq, aamma neriuppunga politikerinik pisortanik aamma eqqumiitsuliornermik ingerlatalinnik qanittumik oqaloqatigiissutigisinnaagipput, Julia Pars oqarpoq. Pisortat tapiissutigisartagaat unitsinneqassappata aaqqissuussinerit sinneqartoorutaasartut soorlu nipilersortitsinerit ataatsimiititsinerit annertuut aammalu isiginnaartitsinerit annertunerit kisimik Katuami aaqqissorneqarsinnaalissapput. Katuaq pisortanit siunissami tapiiffigineqartuaannarnissaa qularutissanngitsoq, Katuap pisortaa oqarpoq. Tapiiffigineqartarnissaq pillugu pisortat tapiissuteqartoq peqatigalugit ukiut tamasa pisarpoq. Kulturip ineriartortinnissaa anguneqassappat, pisortat tapiissutaat amerlanerusariaqaraluartut Julia Pars isumaqarpoq. Katuamut tapiissutit pisortanit tunniunneqartarunnaassappata, Julia Parsip apeqquserpaa, Katuaq Kalaallit Nunaata kulturikkut illorsuarineraa, namminerlu kissatigivaa sinerissami kulturikkut illut qanimut suleqatigiinnerusariaqartut, Katuap isiginnaartitsinikkut aaqqissuussai sinerissami isiginnaarneqarsinaanissaat annertusarneqassammat.

Kulturikkut illorsuaq Katuaq siorna Namminersornerullutik Oqartussanit Nuup Kommunianillu 4,7 millionit koruuninik tapiiffigineqarpoq. Isertitsissutigineqartartut allat, tusarnaartitsinernit, filmertitsinernit, kaffisorniartarfianit Cafe Tuaq-mit, ataatsimeersuartitsinernit ataatsimiittunillu allanit atorneqartarneranit isertitsissutigineqartarput. 26 millionit koruunit ukiormanna kaaviiartinneqarsimanissat, 100.000 koruunit missaanniittullu sinneqartoorutaanissaat Katuap naatsorsutigaa.