Katuamut isiginnaariarpassuit
Nuummiorpassuit pisortatigoortumik ilisineq Katuap inersuaanit skærmersuakkut malinnaavigaat.
Allattoq Louise M. Kleemann
Nujaakkusuttut amerlangaarmata issiaviit tamarmik atorneqarput. Taamaattumik sulisut inersuarmut matut matusariaqarsimavaat.
Jonathan Motzfeldtip ilisaanera Maniitsup katersortarfiani isiginnaarutikkut angisuukkut aamma isiginnaarneqarpoq. Taamatuttaaq Kommune Kujallermi illoqarfinni pingasuusuni Qaqortumi, Narsami Nanortalimmilu innuttaasut illoqarfiup katersortarfianut ornigullutik ilisineq skærmikkut malinnaavigaat. Tamannalu peqqutaalluni Kommune Kujallermi kommunit allaffii ilisisoqarnerani matoqqatinneqarput.