Katuami ullumi isumasioqatigiittoqassaaq

Suliniutit ilaat ataaseq ilaqutariit meerartallit ajornartorsiuteqalinnginnerini siusissukkut sullinneqartarnissaannut tunngassuteqarpoq, aappaa tusagassiuutit innarluutilinnik isiginnittaatsimut tunngatillugu inissisimanerat pingaaruteqassusaallu, suliniummilu kingullermi inuusuttut atuarfimmit ilinniakkamillu unitsitsiinnartartut pineqarput, Marianne Smedegaard, Nunat Avannarliit atugarissaarneq ilisimasaqarfimmi pisortap tullia, oqarpoq.

 - Kalaallit Nunaat suliniutini sammineqartuni suleqatiginngikkaluarlugu allatigut suleqatigaarput, suliniutittalu inernerisa Kalaallit Nunaanni atorluarneqarsinnaakutsoornerinik paasitinneqarsimalluta.

Isumasioqatigiinnerup siunertaraa suliniutit pingasut inerneri oqartussaasunut, aalajangiisartunut, politikerinut sullissisunullu saqqummiunnissaat. Taava taakku inernerit suliniaqqinnissaminnut atorsinnaassavaat.

Nunani Avannarlerni inuusuttut 10 procentii inuiaqatigiinnit katataanissaminnut navianartorsiortut. misissuinerit ilaatigut takutippaat Taakku ilinniagaqaratillu suliffeqanngillat. Isumasioqatigiinnermilu inuusuttut amerlanerusut sulilersinniarnissaannut Nunani Avannarlerni aaqqiissutissatut siunnersuutit arlariit, inuusuttullu ilinniakkaminnik naammassisaqarnissaannut sakkussat tigussaasut, saqqummiunneqassapput.

Marianne Smedegaard oqarpoq aaqqiissuutissatut siunnersuutit saqqummiunneqartussat Nunani Avannarlerni angusaqarfiulluarsimasut.

 - Norgemi suliniutit inernerisa timitalerniarnissaat siunertarineqarpoq, taanna oqarpoq.