Katuami ukioq tusarnaartitsiffiusoq Kimmernap naggasissavaa
Ukiut siuliini pisarnertulli Katuaq nipilersornerup tungaatigut neqeroorutissaqarluartarpoq. Ukiormi kaajallallugu Nuummi kulturikkut illorsuaq Katuaq tusaamasarpassuarnik tusarnaartitsinernik aaqqissuisarpoq ukiorlu tusaamasap tusarnaartitsineranik aamma naggaserneqartarluni. Kimmernaq ukiormanna naggaserlugu decembarip 28-iani tusarnaartitsissaaq.
Allattoq Peter Troelsen, Simon Uldum
Kimmernaq Katuami tusarnaatitsileruni Mike F. Thomsen misilittagartooq nipilersullaqqivissorlu peqatigissavaa. Aammattaaq Labrador Kangian´ Suaasat tusarnaatitsissapput. Taakku siullerpaamik tusarnaartitsiniarput immikkullu misigisaqartitsinissaaq qularnanngilaq.
Kimmernaq nuuteeraliami aappaa ukiormanna saqqummersippaa, maannamut 3000-inik tunisaqarsimalluni. Katuamilu tusarnaartitsinermi nutaanik pisoqaanerusunillu tusarnaartitsissaaq.