Katuami uissuuminartumik tallimanngorpat isiginnaartitsisoqassaaq

”Ajortut” isiginnaartitsissutaavoq silarsuarmi inuit imminnut ungasilliartuinnarfianni ajussutsimut, akisussaassuseqarnermut pisuussuteqarnermullu tunngasoq. Meeqqat akornanni paasissaanngitsumik nakuuserneq atugaaleraangat inuiaqatigiit tamanna qanoq iliuuseqarfigisarpaat?

Isiginnaartitsissummi Liverpoolimi 1993-imi pisoq aallavigineqarpoq. Nukappiaqqat qulinik ukiullit marluk, Jon aamma Robert, atuarfimmit qimaasinnarlutik aneerujoorput, susassaaleqalutik pisiniarfinnilu suarsunnik tillinniarlutik. James Bulger marlunnik ukioqartoq anaanaa arajutsisillugu aallaruppaat, assiliissutit nakkutilliissutit arajutsisillugit, niuertarfissuarmit annillugu, illoqarfimmi inuit ulapaarlutik angallaffiatigoorlutik qimuttuitsullu aqqutaanut inoqannginersamiittumukaallugu... Pisoq piviusuuvoq, Europami quarsaartitseqisoq misigissutsinillu sakkortuunik pilersitsisoq qanoq iliorsinnaannginnernermillu aliasunnermillu aningaanartumik pilersitsisoq.

16-inik ukioqaleersimasut isiginnaartitsissummut oqallissaarutaasumut isiginnariarsinnaapput, siulleq nal. 16.00 takutinneqassaaq aappalu nal. 20.00..

Isiginnaartitsissutip oqaluttuassartavia uani atursinnaavat. Tuluttut allassimavoq. http://en.wikipedia.org/wiki/Murder_of_James_Bulger