Katuami 'Tjekkiamiut ullui'

”Kalaallit Nunaanni Tjekkiamiut ullui” Nuummi Katuami ullumi aallartipput.

Tjekkiamiut Danmarkimi aallartitaqarfiat Katuamik suleqateqarluni Aaqqissuisuuvoq sapaatiunissaatalu tungaanut sammisaqartitsisoqassaaq.

Tjekkiamiut Kalaallit Nunaannik niueqateqarnerulernissaq, aamma takornariaqarnikkut kulturikkullu paarlaasseqatigiinnerulernissaq soqutigaat.

Tjekkiamiut ulloqartitsineri aallartillugit ualiartoq Hans Lyngep inersuani kikkunnut tamanut ammasumik Tjekkia ilisaritinneqarpoq.

Aningaasaqarnikkut, takornariartitsinikkut kulturikkullu Kalaallit Nunaannut attaveqaqatigiinnissat ilisarititsinermi sammineqarput.

Tjekkiamiut eqqumiitsuliaannik saqqummersitsineq ammarneqarpoq, Tjekkiamiullu filmiliaannik unnunni tullerni Katuap inersuaaraani takutsitsisoqartassalluni.

Pissanganartut ilagaat angalatoorsuup Knud Rasmussenip kalaallit oqalualaavinik atuakkiaasa Tjekkiamiusut oqaasertalerlugit saqqummernerannut atatillugu titartagartaliunneqartut.

Saqqummersitsinerit ulluinnarni nalunaaqutaq aqqanerniit unnukkut qulingiluat tungaanut takuniarneqarsinnaassapput. Filminillu takutitsinerit unnukkut arfineq-pingasunut aallartittassapput. Taakku akeqanngitsumik takuniarneqarsinnaapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat