Kattussuunnissaq tapersersorneqarpoq

Borgmesterit kommunaldirektørillu ataatsimiinnerini ippassaq naammassineqartumi tamanit tapersersorneqarpoq, oqaatigineqarluni ukiorpassuarni kommuninit kissaatigineqarsimasutuut tassalu; akisussaaffiit Namminersornerullutik Oqartussanit akisussaaffigineqartut kommuninit akisussaaffigineqalernissaannut kommunit kattussuunnissaat aqqutissaasoq.

Tusagassiutinut nalunaarummi Kanukokap siulittaasuata Lars Karl Jensenip nassuerutigaa, kommuneqartoq kattutinngikkaluarluni annertusisamik suleqatigiinnikkut ingerlariaqqittariaqarnermik aalajangiusimannittunik. Maluginiarparpulli kingusinnerusukkut kattussinnaanermik mattussiumannginnerat, Lars Karl Jensen taama allappoq.

Taamatuttaaq Kanukokamiit maluginiarneqarpoq, Naalakkersuisut siulittaasuata ataatsimiinnermi oqariartuutigisaa tassalu; aaqqissuussaanerup iluarsaateqqinneqarnissaanut qanorlu piareersarneqarnissaanut ikaarsaarfigineqarnissaanullu kommuneqarfiit kattuffiata isumaanut naalakkersuisooqatigiit naaperiaanerat.