Kattussuunnissaq kinguartinneqassanngilaq

marsip 01-at 2006 10:34

Kommuneqarfiit kattussuunnissaat ukiumik ataatsimik kinguartinneqassanngilaq, taama naalakkersuisut siulittaasuat Hans Enoksen kommunit kattussuutsineqarnissaat pillugu borgmesterit kommunaldirektørillu Nuummi ataatsimiinnerannik ammaanermi oqarpoq.

Kommuneqarfiit kattussuutsinneqarnissaat pillugu ataatsimiinnermik ammaavoq Kanukokap siulittaasua Lars Karl Jensen, taannalu oqalugiarnermini oqarpoq kattussuutsitsinissaq pillugu naalakkersuisut saqqummiussaqarnissaat pissangalluni utaqqigini, utaqqineralumi sivisunngilaq, naalakkersuisut siulittaasuat Hans Enoksen oqalugiarnermini akissuteqarmat. Kinguartitsinissamut pissutissaqanngitsugut Hans Enoksen oqarpoq, taamaalillunilu kattussuutsitsinissaq pillugu isumaliutissiissuteqarnissamut piffissaliussap eqquutsinneqarnissaa naqissuserlugu.

Borgmesterit kommunaldirektørillu Nuummi massakkut katersuuttut isumaliutissiissummut oqaaseqarlutillu inassuteqaateqartussaassapput.

Borgmesterit kommunaldirektørillu kujataaneersut ataatsimiinnermut anngutinngitsoorput, taqqavani silarlunnera pissutigalugu, taamaattorli ataatsimiinneerup ingerlarnga tamaat kingusinnerusukkut videokkut takusinnaassagaat, oqaloqatigiinnermullu ilassutissaminnik ilanngussisinnaassasut, ataatsimiittunit ilisimatitsissutigineqarpoq.