Kattussuunnissamut piareersarput

januaarip 03-at 2007 09:52

Kommunit kattussuunnissaannut piareersaatit assigiinngitsut ingerlanneqarput, avannaanilu kommunit kattussuunnissaanut atatillugu aqutsinissamik ataatsimiisitaliaq styregruppe-mik taaguutilik, ataatsimeeqatigiillutik aqagu aallartissapput. Qasigiannguit kommuneat sinnerlugu ataatsimiinnermi peqataasussaq borgmesteri Jess Svane ima oqarpoq.

- Eqqartugassat pingaarnerit ilagisussaavaat allattuunermik atorfinitsitsinissaq. Taassuma kommunit assigiinngitsut paasiumasaanik assigiinngitsorpassuarnik katersisartussaavoq siammarterisartussaallunilu. Aamma aalajangertussaavarput atorfinitsitassatta allaffia sumiissanersoq qanorlu aningaasalersorneqassanersoq. Aamma kommuneqarfikkaartumik ataatsimiittarnissat styregruppillu ataatsimiittarnissaat aaqqissuunneqartussaapput. Qasigiannguit borgmesteriat Jess Svane taama oqarpoq. Ataatsimiinnermi peqataasussat allat tassaapput Aasianni borgmesteri Enok Sandgreen aammalu Upernaviup borgmesteria Jens Immanuelsen.