Inatsisartunut ilaasortaasimasoq Attaviittut Kattusseqatigiinnilu siulittaasuusimasoq Mads Peter Grønvold Demokraatinut nuuppoq. Kattusseqatigiillu suleriaasiat naammagiunnaarlugu nuunnerarpoq:

- Innuttaasut qaninnerusumik sullinneqassappata naalakkersuinermi Demokraatit sinnerlugit sullissiguma pitsaanerutippara, Mads Peter Grønvold nassuiaavoq.

Aamma oqarpoq, inatsisartuni ukiuni kingullerni ilaasortaanermini inoqarfiit tikittarlugit paasisassarsiorfigisarnissaat tusarniaaffigisarnissaallu pingaartissimallugu, tamannali maanna Kattusseqatigiinni ingerlanneqarunnaarmat aninissani aalajangiutiinnarsimallugu.

- Taamaattumik suleqataanera maannamut killilertariaqarlugu aalajangerpunga, erseqqissaavoq.

Mads Peter Grønvoldip Demokraatinut ilaasortanngorniunni ippassaani tunniuppaa, tullianilu qinersisoqalerpat Demokraatit sinnerlugit qinigassanngortinnissani neriuutigalugu. Mads Peter Grønvold Qasigiannguani kommunalbestyrelsemi ilaasortaavoq, maannalu kisiartaalluni Demokraatit sinnerlugit ilaasortaalissalluni.