Kattusseqatigiit: Anersaamut tunngasut amigaataapput
Naalakkersuisut Siulittaasuata ukiortaami oqalugiaataa Kattusseqatigiit Partiiata amigaateqarsoraat. Upperisarsiorneq, timersorneq kulturilu inuup timikkut tarnikkullu peqqissusaanut tunngalluinnartut mininneqartut Kattusseqatigiit Partiiat isumaqarpoq. Anthon Frederiksen ima oqarpoq:
-Upperisarsiornermut, timersornermut kulturimullu tunngasut minnerpaarpaakkulluunniit oqaaseqaammi eqqaaneqanngillat. Kattusseqatigiit Partiianni uagut isumaqarpugut, timikkut anersaakkullu assigiimmik nukittorsassagaanni, pingaartumik anersaakkut nukittorsaassagaanni, upperisarsiornermut tunngasut, timersornermut tunngasut kulturitsinnullu tunngasut pimoorullugit suliniuteqarfigineqartariaqartut, Anthon Frederiksen aallartippoq.
- Taakku assorujussuaq pingaaruteqarput meeqqat inuusuttullu timikkut anersaakkullu nukittorsarneqassappata.
Kattusseqatigiinninngaanniit aamma oqaatigaat, pingaartumik ilinniartitaanermut atatillugu ujartortakkat pilersaarusiorluarnissaat, pingaartumik anersaakkut nukittorsaanissamut tunngasut, inatsisartut ataatsimeeqqilerpata siunnersuuteqarfigeqqikkumaarlugit.
- Takusinnaagatsigu naalakkersuisunit suli pilersaarutigineqanngitsut, Kattusseqatigiit Partiiata siulittaasua oqarpoq.