Kattuffissuaq tapersersuinissaminut piareersimavoq

3F-ip Kastrupimi immikkoortoqarfiani siulittaasoq, Henrik Bay-Clausen, atuagassiamut Takeoff.dk-mut ullumi taama ilisimatitsivoq.

Air Greenlandip Københavnimi ippassaq ataatsimeeqatigai Serviceforbundet, Flyvebranchens Personale Union amma Kalaallit Nunaanni timmisartuni inuttaasut peqatigiiffiat. Ataatsimiinnermi paasinarsivoq illuatungeriit suli isumaqatigiissinnaanngitsut.

Air Greenlandillu maanna Isumaqatigiissitsiniartarfiup akulerunnissaa utaqqiinnarpaa, naqissuserluguli suliffeqarfissuarmi timmisartunut aquttunut, januaarip quligiluaaniit sulisitaqarumajunnaarnertik suli attallugu, taama allappoq Takeoff.dk.

3F-ip tapersersuilluni suliumajunnaassappat Air Greenland ilaatigut Københavnip timmisartoqarfissuani orsersorsinnaassanngilaq, ilaasussat nassataat nerisassanillu tunniussuinerit unitsinneqassallutik.

Air Greenlandip timmisartortartunik sulisitaqarumajunnaarnerani, timmisartortartut inigisaminnik qaammammik ataatsimik piffissalerlugit aneqquneqarput, timmisartartortartut meeqqerivimmiittuutillit meeraat, Air Greenlandip meeqqerivianiittut paarineqarsinnaajunnaassasut.

3F-ip tapersersuillutik suliumajunnaarnissaa Air Greenlandimit ajoqutaasinnaanngitsutut isigineqarpoq, tassami timmisartortartut aquttut suliumajunnaassappata timmisartut nunamiiginnalersussaammata.